XVII TORNEO INTERNACIONAL CONCELLO DE RIANXO
1. Datos Xerais
• Data: Sábado, 5 de setembro de 2026.
• Local de xogo: Pavillón de Deportes de Rianxo “José Manuel Abuín”.
• Organiza: Club Xadrez Rianxo.
• Patrocina: Concello de Rianxo.
• Colabora: Xunta de Galicia, Deputación da Coruña, Federación Galega de Xadrez, Congalsa,
Abanca, Conservera de Rianxo, Hotel Scala, Algalia e Xadrez Dorna.
• Validez: Válido para o XXXVII Circuíto Galego de Xadrez Internacional 2026 (Categoría C), para o
X Circuíto Internacional de Xadrez Deputación da Coruña e para Elo FIDE de rápidas.
• Categorías: Aberto a todos os xogadores sen límite de idade con licenza federativa en vigor.
2. Sistema e Ritmo de Xogo
• Sistema de emparellamentos: Sistema Suizo Holandés a 9 roldas, xestionado por software
homologado pola FIDE. Non se admitirán reclamacións sobre os emparellamentos agás erros
manuais graves.
• Ritmo de xogo: 10 minutos + 5 segundos de incremento por cada xogada desde o inicio.
• Orde de forza: Determinarase estritamente segundo o Elo FIDE de rápidas. Para os xogadores
que non dispoñan del, empregarase o Elo FIDE estándar, seguido do título e orde alfabética.
• Tempo de espera: Ata a caída de bandeira. Todos os xogadores deberán ter confirmado a súa
asistencia no control de sala antes da hora de peche indicada no calendario; en caso contrario, non
serán emparellados na rolda 1.
3. Calendario de Xogo
Presentación / Control e Pago 10:00 h Rolda 5 16:00 h
Peche de Control (Guillotina) 10:15 h Rolda 6 16:45 h
Rolda 1 10:30 h Rolda 7 17:30 h
Rolda 2 11:15 h Rolda 8 18:15 h
Rolda 3 12:00 h Rolda 9 19:00 h
Rolda 4 12:45 h Entrega de Premios 19:45 h aprox.
Descanso / Xantar 14:00 h – –
4. Táboa de Premios (2.100 en total)
Os premios non son acumulables. En caso de optar a varios, concederase o de máis valor. A igual
valor, entregaranse estritamente pola orde en que aparecen na seguinte táboa:
Clasificación Xeral Premio Categorías
Especiais
Premio
1º Clasificado 600 1º Clasificado SUB
2000
60
2º Clasificado 350 2º Clasificado SUB
2000
40
3º Clasificado 250 1º Clasificado SUB
1700
60
4º Clasificado 200 2º Clasificado SUB
1700
40
5º Clasificado 150 – –
6º Clasificado 100 – –
7º Clasificado 80 – –
8º Clasificado 70 – –
9º Clasificado 60 – –
10º Clasificado 40 – –
Nota importante: Considéranse categorías SUB os xogadores que teñan un Elo igual ou inferior ao
número indicado para o tramo. Para recoller calquera premio, o xogador debe estar presente no
acto público de entrega ou delegar nun representante notificado expresamente por escrito á
organización.
5. Inscricións e Cotas
• Cota xeral: 10 euros, que se aboarán no local de xogo antes do comezo da primeira rolda.
• Exencións: Están completamente exentos do pago da cota os xogadores titulados internacionais,
os socios do Club Xadrez Rianxo e os membros de Algalia.
• Canles de inscrición: As solicitudes realizaranse por correo electrónico a
[email protected] o por WhatsApp ao número 680193289, achegando
obrigatoriamente: Nome e apelidos, data de nacemento e código FIDE.
• Prazo: Ata o venres 4 de setembro de 2026. A organización resérvase o dereito de admitir
inscricións posteriores segundo a capacidade do pavillón.
• Control Presencial Obligatorio: O vindeiro sábado 5 de setembro, todos os xogadores inscritos
deben pasar presencialmente pola mesa de control para pagar a cota e confirmar a súa presenza
antes das 10:15 h. A esa hora pecharase de xeito estrito o check-in. Quen non estea confirmado ás
10:15 h non entrará no emparellamento da Rolda 1 sen excepcións (podendo ser incluído na Rolda
2 con 0 puntos).
6. Sistemas de Desempate
En caso de empate a puntos na clasificación final, aplicaranse os seguintes criterios de desempate
homologados para o Sistema Monrad na orde indicada:
1. Enfrontamento directo.
2. Buchholz brasileiro (excluíndo os dous peores resultados: -2).
3. Buchholz Total.
4. ARO -1 (Media de Elo dos opoñentes menos o máis baixo).
5. Maior número de vitorias (excluíndo as vitorias por incomparecencia).
6. APRO (Performance media de opoñentes).
7. Regulamento e Organización
Director do Torneo: Néstor Martínez Dourado.
• Equipo Arbitral:
Árbitro Principal: IA Oscar Bruno de Prado Rodríguez (ID FIDE 2203600).
• Normativa aplicable (Actualizada): O torneo rexerase polas Leis do Xadrez da FIDE vixentes,
especialmente no referente ao Apéndice A para xadrez rápido e o artigo A.5 sobre partidas sen
supervisión axeitada.
• Política de Dispositivos Electrónicos (Fair Play): Os teléfonos móbiles, reloxos intelixentes
(smartwatches) e calquera outro dispositivo electrónico de comunicación deberán permanecer
completamente apagados na sala de xogo. O incumprimento desta norma, incluíndo que o
dispositivo emita algún son, suporá a perda automática da partida para o infractor.
• Byes: Poderanse solicitar ata un máximo de 3 byes de 0 puntos. Deberán pedirse formalmente
por escrito antes do inicio da primeira rolda.
• Exclusión por Incomparecencia: Calquera incomparecencia a unha rolda que non fose
xustificada previamente ante o árbitro suporá a eliminación automática do xogador do torneo.
• Comité de Apelación: Estará constituído polo Director do Torneo, o Presidente do Club e o
equipo arbitral. Calquera reclamación ao Comité de Apelación deberá facerse por escrito no prazo
máximo de 5 minutos tras a finalización da rolda en cuestión.
• Dereitos de Imaxe e Protección de Datos (RGPD): Os participantes e os delegados de cada
club autorizan á organización a difusión de información, a utilización de imaxes e nomes de equipos
e xogadores nos medios de comunicación, publicidade e memorias da competición, sempre que
non representen menoscabo da súa honra ou reputación, ou que sexa contraria aos seus intereses
e sempre no marco legal que se fixa no Código Civil, na Lei de Axuizamento Civil, no Regulamento
(UE) 2016/679 (RXPD) e na LO 3/2018, de 5 de decembro, de Protección de Datos Persoais e
garantía dos dereitos dixitais (LOPDGDD).
• Modificacións: A organización resérvase o dereito a emendar estas bases para o mellor
desenvolvemento do evento, notificándoo na páxina de Facebook do Club Xadrez Rianxo.
